Dr. Vuningoma James wari Umunyamabanga Nshingwabukorwa w’Inteko Nyarwanda y’Ururimi n’Umuco (RALC) akaba yaratabarutse ku wa mbere w’iki cyumweru azize uburwayi, umuryango we watangaje ko azashyingurwa tariki ya 25/01/2020.
Kuri gahunda y’imihango izabanziriza kumushyingura, mu gitondo Saa mbiri n’igice (8h30 a.m) gufata umurambo ku Bitaro byitiriwe Umwami Faisal.
Saa tanu (11h00 a.m) kugera saa sita (12h00 p.m) hazabo gusezera ku murambo mu rugo rwe Kacyiru.
Saa saba (13h00 p.m) kugera saa kenda hazabaho isengesho ryo kumusabira mu rusengero rw’Abangirikani i Remera mu Giporoso.
Saa kumi (16h00 p.m) nibwo azashyingurwa mu irimbi rya Rusororo.
Umuryango wa Dr. Vuningoma James ukomeje gushimira buri wese wakomeje kubihanganisha muri ibi bihe bikomeye barimo byo kubura umubeyi wabo.
Jean Paul NKUNDINEZA
UMUSEKE.RW