Sosiyete Nyarwanda ikora ubwikorezi bwo mu kirere, RwandAir, yatangaje ko guhera ku wa 15 Werurwe 2024, itazongera gukora ingendo zerekeza n’iziva i Mumbai mu Buhinde.
Ubuyobozi bwa RwandAir bwiseguye ku bagenzi bamaze gusaba tike z’indege zizerekeza muri icyo gihugu nyuma y’igice cya mbere cy’uku kwezi, bubasaba gutanga amakuru bagasubizwa amafaranga bihyuye, cyangwa se bakayifashisha mu kwishyura izindi ngendo.
Ubuyobozi bwa RwandAir bwagize buti: “Tubiseguyeho ku ngorane izo mpinduka zishobora guteza.”
Mumbai wigeze kwitwa Bombay ni umujyi ukomeye kandi utuwe cyane mu Buhinde, uherereye mu Burengerazuba bw’Igihugu ukaba ukora ku nkengero z’inyanja y’Abahinde.
