Al Ahly SC 3-0 Port de Douala
Espérance de Tunis 3-0 Gisagara VC
Taliki 16-05-2022
Gisagara VC- Port de Douala (13h00)
Espérance de Tunis- Al Ahly SC (18h00)
Ikipe ya Gisagara VC yaserukiye u Rwanda mu mikino y’Afurika y’amakipe yabaye aya mbere iwayo mu bagabo “Men’s African Volleyball Clubs Championship 2022” irimo kubera muri Tunisia yatsinzwe n’ikipe ya Espérance de Tunis yo muri Tunisia muri ½ cy’irangiza.
Muri uyu mukino wabaye kuri iki Cyumweru taliki 15 Gicurasi 2022, ikipe ya Espérance de Tunis ifite gikombe giheruka yatsinze Gisagara VC amaseti 3-0 (25-21,25-14 na 25-20).
Iyi kipe ya Gisagara VC yari yageze muri ½ isezereye ikipe ya CO Kelibia yo muri Tunisia yakiriye irushanwa ku maseti 3-2 (29-27, 22-25, 16-25, 25-23 na 15-12) naho ikipe ya Espérance de Tunis yageze muri ½ isezereye ikipe ya FAP yo muri Cameroun ku maseti 3-0 (25-16, 25-13 na 25-16).
Mu wundi mukino wa ½, ikipe ya Al Ahly SC yo mu Misiri yatsinze Port de Douala amaseti 3-0 (25-15, 25-19 na 25-20).
Ikipe ya Al Ahly SC yasezereye muri ¼ ikipe ya Nigeria Customs ku maseti 3-0 (25-11, 25-16 na 25-9) naho Port de Douala isezerera ikipe ya KPA yo muri Kenya ku maseti 3-0 (25-17, 25-15 na 25-17).
Kuri uyu wa mbere taliki 16 Gicurasi 2022 ni bwo imikino y’Afurika isozwa, ikipe ya Gisagara VC irahatanira umwanya wa 3 aho ikina na Port de Douala yo muri Cameroun zari no mu itsinda rimwe. Mu mikino yo mu matsinda Gisagara VC yari yatsinze Port de Douala amaseti 3-1 (25-18, 20-25, 25-21 na 31-29).
Iyi kipe ya Gsagara VC nitsinda bizaba ari ubwa mbere mu mateka ikipe yo mu Rwanda isoreje ku mwanya wa 3 kuko iheruka gukora aya mateka ni UNR VC muri 2011 ubwo yasorezaga ku mwanya wa 4.
Umukino wa nyuma urahuza ikipe ya Espérance de Tunis ifite iki gikombe na Al Ahly SC